Sambært § 6 í løgtingslóg nr 13 frá 21 mai 1954 um býarskipanir og byggisamtyktir við seinni broytingum verður við hesum gjørt kunnugt, at kommunustýrið á Sandi, á fundi 28.10.2024 og 05.12.2024 samtykti broytingar í  byggisamtyktini fyri Sands kommunu.

Ætlaða broytingin er:

1. At broyta kortskjalið fyri almennu byggisamtyktina soleiðis, at partur av Reynatúgvuhaganum, matr.nr. 387c, verður broytt frá øki F landbúnaður til øki ð Vinnuøki.
2.  At broyta kortskjalið fyri almennu byggisamtyktina soleiðis, at partar av hagapørtunum, matr.nr. 388a, 389a, 389b, 390, 391, 392, og matr.nr. 399 verður broytt frá øki F landbúnaður til øki ð Vinnuøki.

Tilfar, sum lýsir broytingina, liggur frammi á kommunuskrivstovuni frá 12.12.2024 til 16.01.2025 í vanligari avgreiðslutíð.

Møgulig mótmæli ella broytingaruppskot verða at lata Sands kommunu skrivliga, í seinasta lagi 06.02.2025

Sands Kommuna

Mørkin Mikla 3

FO- 210 Sandur