Marcus sigur, at hann viðhvørt kann standa langar løtur, og einki kemur burtur úr, tí steinarnir, hann hevur við hondina, vísa seg ikki at passa saman.

- So, taki eg ein steðg, og tá eg vendi aftur, kann alt fella upp á pláss við júst somu steinum, sum eg legði frá mær, sigur hann brosandi.

Hann er í løtuni í holt við seinnu laðingina beint yvir av Eldhúsi á Sandi, har vegurin hevur verið trongur.

- Nú verður vegurin umleið hálvan annan metur breiðari. Tað merkir, at hóast bilar standa parkeraðir við handilin, kunnu tveir persónbilar møtast á vegnum.

Soleiðis verður nú hesin fløskuhálsur, sum vegurin framvið Eldhúsi hevur verið, væl breiðari enn áður.

Ein longri grein er á facebook-vanganum hjá Sands kommunu sandur.fo