Søkt verður eftir leiðara at arbeiða 40 tímar um vikuna, at byrja 1. februar 2022 ella eftir nærri avtalu.

Leiðarin í barnagarðinum á Sandi er leiðari fyri vøggustovu-, barnagarðs- og frítíðarskúlavirksemi. Á dagstovninum eru 12 vøggustovubørn og 31 barnagarðsbørn, og í frítíðarskúlanum eru 20 børn. Starvsfólkabólkurin telur í løtuni 5 námsfrøðingar og 9 hjálparfólk.

Ætlanin er at seta ungdómshús á stovn undir leiðslu av leiðaranum.

Vit bjóða:

• eitt áhugavert starv, í einum nærumhvørvi, har náttúran hevur stóran leiklut í gerandisdegnum

• møguleika fyri at seta dám á stovnin.

Vit vænta at umsøkjarin:

• er útbúgvin námsfrøðingur

• hevur leiðsluførleikar og ein greiðan leiðslusamleika

• hevur fíggjarligu og námsfrøðiligu ábyrgdina av stovninum

• kann arbeiða sjálvstøðugt og taka avgerðir

• hevur hugsjónir um virksemi á einum dagstovni og ungdómshúsi

• hevur hug og áræði at skapa ein fjølbroyttan og tryggan gerandisdag, við virðing og umsorgan fyri tí einstaka barninum, foreldrunum og starvsfeløgum

• dugir væl at samskifta bæði í skrift og talu, og kann virka í góðum samstarvi við børn, starvsfelagar, foreldur og aðrar samstarvspartar

• hevur teldukunnleika

Setanarviðurskifti

Løn sambært sáttmála millum Føroya Pedagogfelag og Kommunala Arbeiðsgevarafelagið.

Námsætlan stovnsins kann útvegast og meiri fæst at vita um starvi við at venda sær til Sands kommunu á tlf. 211930 ella 212751.

Umsókn saman við viðmælum og upplýsningum um útbúgving, skulu sendast til Sands Kommunu, Mørkin Mikla 3, 210 Sandur ella sendast í telduposti til borgarstjórin@sandur.fo í seinasta lagi 15. januar 2022.

Sands Kommuna